კონფიდენციალურობის პოლიტიკა

1. ვინ ვართ

Minium („პლატფორმა“) არის ონლაინ ბაზარი, სადაც ქართველი ხელოვანები და სახელოსნოები ყიდიან საკუთარ ნამუშევრებს. პლატფორმას მართავს [კომპანიის სახელი], საიდენტიფიკაციო კოდი [კოდი], მისამართი: [მისამართი] („ჩვენ“).

პირად მონაცემებთან დაკავშირებული კითხვებისთვის მოგვწერეთ: [ელფოსტა].

2. რა მონაცემებს ვაგროვებთ

• ანგარიში: ელფოსტა, პაროლი (ინახება მხოლოდ დაშიფრული სახით — ჩვენ მას ვერ ვხედავთ), სახელი, გვარი, ტელეფონი, ქალაქი.
• შეკვეთა: მიმღების სახელი, ტელეფონი, მისამართი, ქვეყანა, შეკვეთის შემადგენლობა და ისტორია (გაგზავნა, თრექინგ-ნომერი, მიღება).
• ხელოვანები: სტატუსი (ფიზიკური პირი, ინდმეწარმე, კომპანია), პირადი ნომერი ან საიდენტიფიკაციო კოდი, IBAN, ბანკი და ანგარიშის მფლობელის სახელი — თანხის გადასარიცხად.
• თქვენ მიერ ატვირთული: ნამუშევრების ფოტოები და აღწერა, ჩატის შეტყობინებები, საჩივრის ფოტოები, ინდივიდუალური შეკვეთის აღწერა და მაგალითები. ფოტოს ატვირთვისას ბრაუზერი ან აპლიკაცია შლის კამერის მონაცემებს, მათ შორის გადაღების ადგილს (GPS).
• მობილური აპლიკაცია: ტელეფონის მისამართი შეტყობინებებისთვის (push) — მხოლოდ თუ შეტყობინებებს ჩართავთ; ანგარიშიდან გასვლისას ან აპლიკაციის წაშლისას ის იშლება. კამერასა და ფოტოებს აპლიკაცია იყენებს მხოლოდ მაშინ, როცა თავად ირჩევთ ფოტოს ასატვირთად.
• საჩივრები და დაბლოკვა: ვინ გამოგზავნა საჩივარი, მიზეზი, კომენტარი და იმის ასლი, რაზეც საჩივარია (მაგ., შეტყობინების ტექსტი); ვინ ვინ დაბლოკა.
• ტექნიკური: შესვლის სესია, სერვერის ჟურნალები (მათ შორის IP მისამართი) და გვერდების ნახვის სტატისტიკა cookie-ს გარეშე.
• თანხმობა სიახლეებზე: როდის და საიდან მოგვეცით ან გააუქმეთ თანხმობა.

3. რისთვის ვიყენებთ

• ანგარიშისა და პლატფორმის მუშაობისთვის: შესვლა, კალათა, შეკვეთა, ჩატი.
• შეკვეთის შესასრულებლად: ავტორი ხედავს მიმღების სახელს, ტელეფონს და მისამართს, რომ ნამუშევარი გამოგზავნოს.
• ავტორისთვის თანხის გადასარიცხად და ანგარიშის შესამოწმებლად.
• საჩივრების განსახილველად და თაღლითობისგან დასაცავად.
• პლატფორმის უსაფრთხოებისთვის: საჩივრების განსახილველად, წესების დამრღვევი შინაარსის მოსახსნელად და ანგარიშების დასახურად.
• ტელეფონზე შეტყობინებების გასაგზავნად: ახალი შეტყობინება, შეკვეთის ცვლილება, შეთავაზება.
• სიახლეების გამოსაგზავნად — მხოლოდ თქვენი თანხმობით; გაუქმება შესაძლებელია ერთი დაჭერით ყოველ წერილში ან პარამეტრებში.
• კანონით დაკისრებული მოვალეობების შესასრულებლად (მაგ., საგადასახადო). [სამართლებრივი საფუძველი თითოეული მიზნისთვის — იურისტი]

4. ვის ვუზიარებთ

მონაცემებს არ ვყიდით. ვუზიარებთ მხოლოდ იმდენს, რამდენიც საჭიროა:

• ავტორს — თქვენი შეკვეთის მიწოდების მონაცემებს; მყიდველს — ავტორის სახელს და ქალაქს.
• საკურიერო სამსახურს, რომელსაც ავტორი ირჩევს — მიწოდებისთვის.
• ბანკს / გადახდის სისტემას — გადახდისა და გადარიცხვისთვის (ონლაინ გადახდა ჯერ ჩართული არ არის). [ბანკის სახელი]
• ტექნიკურ მომსახურებას: Supabase (მონაცემთა ბაზა და ფაილები, სერვერი ფრანკფურტში, ევროკავშირი) და Vercel (საიტის ჰოსტინგი და ნახვების სტატისტიკა, სერვერი ფრანკფურტში). ეს კომპანიები მონაცემებს ამუშავებენ მხოლოდ ჩვენი დავალებით. [ელფოსტის მომსახურების სახელი, როცა ჩაირთვება]
• შეტყობინებების მიწოდებისთვის — Expo (აშშ), მისი მეშვეობით კი Apple-ისა და Google-ის შეტყობინებების სამსახურებს: ტელეფონის მისამართი და შეტყობინების ტექსტი.
• სახელმწიფო ორგანოებს — მხოლოდ კანონით გათვალისწინებულ შემთხვევაში.

Supabase და Vercel აშშ-ს კომპანიებია, თუმცა მონაცემები ინახება ევროკავშირში. [საზღვარგარეთ გადაცემის სამართლებრივი საფუძველი და ხელშეკრულებები — იურისტი]

5. როგორ ვიცავთ

• კავშირი საიტთან დაშიფრულია (HTTPS); პაროლი ინახება მხოლოდ დაშიფრული სახით.
• ყოველი მომხმარებელი ხედავს მხოლოდ საკუთარ მონაცემებს — ამას თავად მონაცემთა ბაზა ამოწმებს.
• გუნდის ყველა წევრი შედის ორსაფეხურიანი დაცვით (2FA) და ხედავს მხოლოდ იმას, რაც მისი როლისთვის არის საჭირო.
• ავტორის IBAN და პირადი ნომერი ყველგან დაფარულია; სრულ ნომერს ხედავს მხოლოდ ფინანსური გუნდი, ახალი 2FA კოდით, და ყოველი ნახვა იწერება ჟურნალში. ანგარიშის შეცვლა შესაძლებელია მხოლოდ პაროლით და არა პაროლის ან ელფოსტის შეცვლიდან 24 საათის განმავლობაში.
• ჩატს გუნდი ხედავს მხოლოდ შეკვეთაზე საჩივრის დროს, და ყოველი ნახვა იწერება ჟურნალში; შეტყობინებაზე საჩივრისას გუნდი ხედავს მხოლოდ ამ შეტყობინებას.

6. რამდენ ხანს ვინახავთ

• ანგარიშის მონაცემები — სანამ ანგარიში აქტიურია.
• შეკვეთები, საჩივრები და გადარიცხვები — [X წელი] (საგადასახადო და სამართლებრივი მიზნებით).
• ჩატის შეტყობინებები — [ვადა].
• გუნდის მოქმედებების ჟურნალი — [ვადა].
• საჩივრები შინაარსზე — [ვადა]; დაბლოკვა — სანამ არ მოხსნით ან ანგარიშს არ წაშლით.
• ტელეფონის მისამართი შეტყობინებებისთვის — სანამ აპლიკაციაში შესული ხართ და შეტყობინებები ჩართულია.
• ანგარიშის წაშლის შემდეგ ვშლით ან ვაანონიმურებთ მონაცემებს, გარდა იმისა, რისი შენახვაც კანონით გვევალება. [დაზუსტება — იურისტი]

7. თქვენი უფლებები

გაქვთ უფლება: მიიღოთ ინფორმაცია და ასლი თქვენი მონაცემებისა, გაასწოროთ ისინი (პროფილისა და პარამეტრების გვერდზე), მოითხოვოთ წაშლა, შეზღუდოთ ან გააპროტესტოთ დამუშავება და ნებისმიერ დროს გააუქმოთ თანხმობა სიახლეებზე.

მოთხოვნისთვის მოგვწერეთ [ელფოსტა] — ვპასუხობთ [ვადა]-ში. თუ ფიქრობთ, რომ თქვენი უფლება დაირღვა, შეგიძლიათ მიმართოთ საქართველოს პერსონალურ მონაცემთა დაცვის სამსახურს.

8. Cookie-ები

ვიყენებთ მხოლოდ იმ cookie-ებს, რომლის გარეშეც საიტი ვერ იმუშავებს, და ერთ მოსახერხებლობის cookie-ს:

• შესვლის სესია — რომ ანგარიშში დარჩეთ;
• ენა (lang) — 1 წელი;
• კალათა (cart) — 30 დღე;
• ბოლოს ნანახი ნამუშევრების ნომრები (viewed) — 60 დღე; მხოლოდ მთავარ გვერდზე „ბოლოს ნანახის“ საჩვენებლად, ღილაკით „გასუფთავება“ იშლება.

ნახვების სტატისტიკისთვის ვიყენებთ Vercel Web Analytics-ს, რომელიც cookie-ს არ იყენებს და თქვენს ვინაობას ვერ ადგენს. სარეკლამო cookie-ებს არ ვიყენებთ; თუ დავამატებთ, ჯერ თქვენს თანხმობას ვითხოვთ.

9. ასაკი

პლატფორმით სარგებლობა შეუძლიათ [18] წლის ზემოთ პირებს.

10. ცვლილებები

პოლიტიკის შეცვლისას ამ გვერდზე განვაახლებთ თარიღს; მნიშვნელოვანი ცვლილების შესახებ წინასწარ შეგატყობინებთ ელფოსტით.